Shillong: U MLA ka Congress uba dei ruh u nongialam liangpyrshah u bah Ronnie V Lyngdoh u la pynpaw iaka jingbym iahap ban tad ia ki kam party shabar.
Haba jubab halor ka jingmih khubor ba don kiba pynpaw ia ka jingbym sngew tynnad ia ka jingtreikam u President ka MPCC u bah Vincent H Pala, u bah Ronnie u la ong ba baroh u briew um biang hynrei ia ka kam party, ka donkam shwa ban iakren ha ka party hynrei lada kam long,te lah ban rah sha kiwei ki lad.
Hynrei ha kajuh ka por, u la ong ba kam mut ba ki MLA ne ma u, un biang lut, tangba ki dei ban kdew ban kren ha ka party ia ki jingduna jong u, ym ban leit thad sha ki lad pathai khubor.
Ha kine ki sngi, la mih khubor ba ki 3 ngut ki MLA ka Congress kiba kynthup ia u Dr. Celestine Lyngdoh, bah Charles Marngar, bad bah Gabriel Wahlang ki thmu ban mih noh na ka seng ban leit iasoh sha ka NPP kaba ialam ia ka sorkar.
Kane ka jingpynkhreh mih noh jongki, ka dei namar ba kim sngew tynnad iaka rukom treikam jong u bah Vincent H Pala kum u President ka MPCC.
Ki kam party ym dei ban thad shabar, ong u bah Ronnie ia kiba kren pyrshah ia u bah Pala
