Mawkyrwat: Ka Seng Hynñiewtrep Integrated Territorial Organisation HITO jong ka Marshilong-Nongbah Unit da ka jingsngewkmen ban tip ba ki samla jong ka dong ka thaiñ ki la nangkiew ha ki kam ïalehkai kaba long ha ki bynta bapher bapher bad halor kane ka bynta kum ka seng ka la ïoh ka lad ban leit ai mynsiem ïa kawei ka samla na ka shnong Marshilong, South West Khasi Hills District ka ban sa leit sha ka jingïakop ïa khun kti ha Moldova, Eastern Europe.
Ka samla Banrihun Lyngdoh ka dei na ka shnong Marshilong, South West Khasi Hills District ka ban sa ha ka jingïakop ïa khun kti ne Armwrestling ha ka World Armwrestling Championship 2024 ka ban sa long ha Moldova, Eastern EuropeEurope naduh ka 15 haduh 25 tarik u ‘Nailar, 2024 ba la pynïaid da ka Moldovan National Sports Federation of Armwrestling.
Ha kane ka HITO Marshilong-Nongbah Unit kum ka dak jong ka jingaimynsiem ka la ïoh ruh ban noh synñiang da ka song pisa ryngkat da ka jingpynkup ïa ka ne ka samla.
Kitbok ka HITO iaka Banrihun Lyngdoh ha shwa ban leit ia khun kti ha Dewbah Europe
