Shillong: Ia u motdur ba shirynieng jong u Rev. J.J.M Nichols Roy la pynieng kynjreng ha madan jong ka Lariti International Centre for Performing Arts and Culture ha Mawkasiang.
Ia une u mot la plie paidbah mynta ka sngi da u symbud myntri rangbah ka jylla u bah Prestone Tynsong ha ka jingiadon lang u CEM ka KHADC, ki nongialam na ki 10 tylli ki Autonomous District Council ka thain shatei lammihngi ka India, kynthup u Pradyot Manikya Debburman uba dei u Chairman ka TTAADC ryngkat ki nongialam ka Balang u Blei, ki syiem ki sordar, rangbah shnong, ki nongkitkam shnong bad kiwei pat kiba shah khot sngewbha.
Ia u bah Joy la shim kum u kpa jong ka Khyrnit ba Hynriew ka riti synshar ka ri, ban wanrah ia ki district council ia ki riewlum.
Haba kren ha kane ka prokram, u Bah Prestone u la ong ba ka jingiatylli hapoh ki district council kan long ka jingkhlaiñ ia ka 6th Schedule kaba la wanrah da Rev. J.J.M Nichols Roy.
U la ong ba ym dei ban klet ba u Rev. J.J.M Nichols Roy uba la u pynioh ia ka jingiada bad ka jingong ba ka District Council kam long kaba donkam, ka jingkren ka long kaba bakla.
Da ka dur u Bah Joy, la pynieng mot ha phyllaw ka Lariti ha Mawkasiang
