Shillong: Ka Tripura District Council kan plie ia ka skul ha North Tripura na bynta ki Khasi bad ia kane ka skul kaban hikai da ka phareng yn ai kyrteng Tirot Sing Memorial School.
Ia kane la iathuh u nongialam ka seng u Tipra Motha Party kaba la tip ruh kum ka Tipraha Indigenous Progressive Regional Alliance u Pradyot Bikram Manikya Deb Barma hadien ba la wai ka jingialang jong 10 tylli ki autonomous council ha Shillong mynta ka 10 tarik Nailar 2024.
U la ruh ba yn ai jaka ruh ia ka KHADC, JHADC bad ka GHADC ba kin tei ia ki guest house ha ka jylla Tripura.
Kane ka dei ka jingsdang ban iaburom mar kylliang hapdeng ki riewlum jong kane ka thain shatei lammihngi ka India, la ong u Praddyot.
Ai jaka ki riewlum Tripura ban seng ia ka Tirot Sing Skul ha North Tripura
