Shillong: Ka Sorkar Jylla ka la wanrah ia ka jingpynbeit thymmai ia ka Meghalaya Board of School Education (Regulations for the Secondary School Leaving Certificate Examination), 2011, bad lyngba kane ka jingpynbeit thymmai ka la rai ban pynlong arsien ia ka eksam Matrik naduh u snem 2025 ban wan.
Haba kren hadien ka jingïalang ka Kynhun Myntri, u Myntri ka tnat pule puthi, u Rakkam A Sangma u la ong ba lyngba kane ka jingpynbeit thymmai ia ka ekam Matrik lane Klass X (ten), yn pynlong ar sien, kawei kadei kaba ju long ha u bnai Lber, bad kawei pat na ka bynta kito kiba phiel kiban iakhun biang ia ki sobjek ba ki phiel ha u bnai Jymmang ujuh u snem.
U la ong ba na ka bynta ban kham pynkloi ha kaba iadei bad kito kiba pass ban ioh ia ki admission ha ki skul bad college, ha ki snem kiba bud, lehse kaban sdang naduh u 2025, ia ka exam Matrik yn pynlong noh ha u Nongprah bad ia ka exam ba ka bynta kiba phiel yn pynlong ha u bnai Rymphang lane Lber jong u snem 2026.
Shuh shuh u la ong naduh ka samoi pule u snem 2026 shaneng, kan ym don shuh ka jingpyntreikam ia ka optional paper hynrei kan don beit ka best of five ha kaba ki khynnah ki dei ban pass lut ia baroh ki sobjek.
U la ong ba ka sorkar jylla ka la shim ia kane ka sienjam kaba long ka New Education Policy (NEP) ba thymmai jong ka ri.
Ha kawei ka Liang ka Kynhun Myntri ka la mynjur ia kiwei ki mat ba kynthup halor ka Farmer Empowerment Commission ia kaba la pynjlan ia ka rta jong u Chairman na ka 65 sha ka 70 snem, ka Benami Act, ba lada don ka jingujor kino kino ki lah lah ban leit sha ki Deputy Commissioner, bad kawei ka mat ka long halor ka Service Rule ia ki nonghikai.
Arsien shi snem yn long eksamin Matrik naduh u snem ban wan
