Shillong: sa shisien pat ka Meghalaya State Kickboxing Association (MSKA), ka la ioh ba kan pynlong ia ka jingialang ban pynkup burom ia ki 14 ngut ki rang bad ki thei ialehkai ki jong ka, hadien ba ki la ioh ban kur ia la ki jong ki takma ki jong ki na ka rynsan iakhun ba la tip kum ka WAKO India National Kickboxing Championship-2024 for Senior & Masters (Men & Women), kaba la long ha Multipurpose Indoor Stadium, Dayanand Bandodkar Krida Sankool Peddem, Mapusa, Goa myn ha ka 24th haduh ka – 28 tarik u Naitung. Ia kane ka jingiakob la pynlong ia ka da ka Amateur Sports Kickboxing Association ka Goa.
Haba iadei bad kane, ka MSKA ka la pynlong mynta ka sngi ia kane ka jingialang pynkup burom ha Hotel Assembly, Khyndai Lad bad ia kane ka jingialehkai ka dei ruh kaba la pdiang bad ithuh ia ka da ka by Ministry of Youth Affairs & Sport Government of India & International Olympic Committee (IOC).
Kumba ka long haduh kane ka khyllipmat kaba mynta ka MSKA naduh u Nailar jong u snem 2017 haduh mynta ka la ioh ba kan khur haduh 83 tylli ki takma ksiar, 57 tylli ki takma rupa bad 81 tylli ki takma rnong bad haba khein kyllum lang baroh ki long 221, khlem da klet bad sa 40 tylli ki International Standards medals.
Haba phai sha kane ka jingiakhun na Goa, ki nonongjop na kane ka jingiakob, kin ioh rung pat sha ka thup kaba ar ban pynkhreh ban shah jied naka bynta ban mihkhmat ia ka ri sha ka Senior World Championship, Budapest, Hungary, International Kickboxing Open Championship and Asian Kickboxing Championship.
Ryngkat ki takma ksiar rupa bad rnong wan phai ki khynnah ka MSKA na ka jingiakhun na Goa
