Shillong: Ka prime minister ka ri Bangladesh ka Sheihk Hasina ka la hap ban risain noh ia ka shuki bad phet rieh sha India, hadien ba kam lah tehlakam shuh ia ka jingiakhih ki paidbhur ha katei ka ri, kaba la poi ruh sha ka jingiap jong ki spah ngut.
Ia ka jingsynshar yn shimti noh ki shipai ha katei ka ri. Ka Hasina ka la hap ban risain noh ia ka shuki Prime Minister haduh ba ki bor shipai, kila buh por ba kan leh mardor lane kan hap ban mad ia ka jingtynjuh wat ban kynduh ia ka apot sepsngi ruh.
Ki paidbah kila tur sha jaka sah ka Sheihk Hasina kaba la pyllong ia ka ban mih noh mar mar da kaba her da ka liengsuin sha Delhi.
Kumba 5 lak ngut ki paidbhur kila mih sha madan ban iakhih ha katei ka ri ha kaba 300 ngut eiei ki briew kila iap naduh ba sdang ka jingiakhih mynshem bnai haduh mynta, na ka daw jong ka jingmang bhah kyrpang ia kiba haiing hasem jong kito ki nongialeh laitluid ban pynioh ia ka ri Bangladesh.
Phet krad ka PM ka Bangladesh sha India hadien ba la risain, yn shimti ki shipai ia ka jingsynshar
