Shillong: Ka Khun Hynniewtrep National Awakening Movement (KHNAM) ha kane ka sngi Saitjainka 3 tarik Nailar 2024 ka la sdang ban pynlong ia ka jingialang pynsngewthuh paidbah halor ki nongrim jong ka seng kaba long ruh kum ka jingpynkhreh ia ka ilekshon MDC kaban sa long shen.
Haba kren ha kane ka sngi u Working President ka KHNAM u bah Thomas Passah, ula ther ia kane ka sorkar jylla kaba leh mynthi haba iadei bad ka jingeh jong ki samla halor ka wad kam wad jam ha ka jingialang pynsngewthuh paidbah ba long ha Iew Malki.
U bah Thomas u la ong ba ka sorkar India ka ladep pynduh ia ka Personal Interview hynrei kane ka jylla ka dang iai pynlong ia ka interview tang na bynta ka jingmyntoi jong wei arngut.
Ula ong ba 23 tylli jylla ki ladep pynduh ia ka Personal Interview ha ki kam sorkar da ka jingthmu ban pyllait na ki kam tuh jong ki katto katne ngut.
Ula ong ba ha kine ki sngi, ka KHNAM ka la iakren ia kane ka mat bad ka sorkar bad kin iai bteng ban buddien bad iakren ia kane ka mat .
Ha kajuh ka por, ula kyrpad ia u paidbah ba ladei ka por ban sahngeh ka pdiang kti bad ka ladei ka por ban iarah kti, namar ban shu pdiang shi pdiang kan nym wanrah kano kano ka jingbha ia ka jylla.
Pynsngewthuh nongrim ka KHNAM shwa ban wan ka MDC elekshon
