Shillong: U Wadjied Ryngkhlem ka Shillong Lajong ula pynphai iing thylli ia ki shipai ka Nepal, Tribhuvan Army FC ha ka lympung 133rd Indian Oil Durand Cup kaba la ialehkai ha madan Jawaharlal Nehru Stadium, Shillong ha ka 2 tarik Nailar 2024.
Ia ka Shillong Lajong la khlieh u Coach Jose Hevia katba ia ka Tribhuvan Army FC la khlieh u Coach K.C Meghraj.
Ka shi kol na u Wadjied ha ka 6 minit, ka la biang ia kane ka kynhun ban khur ia ka jingjop jong ka jingialeh sdang.
Shwa ia kane, ka madan JN Stadium ka la lynguh thui da ka jingshad jingrwai, ka jingpyni sap ki shipai ban pynbyrngia bad pynsngew bang ia ki nongpeitkai.
U myntri rangbah ka jylla u Conrad K Sangma, ki symbud myntri Rangbah bah Prestone Tynsong, bah Sniawbhalang Dhar, u myntri tnad ialehkai u bah Shakliar Warjri nalor ki heh shipai, bad kiwei kila sakhi lang ia kane ka jingialehkai.
Lynguh thui ka madan JN Stadium shwa ban sdang, pylliem ka Lajong ia ki shipai Nepal
