Shillong: Ka sorkar jylla mynta ka sngi ka 1 tarik Nailar 2024, ka la thaw ia ka Committee kaban khlieh u Commissioner & Secretary ka tnad pule puthi u Vijay Mantri ryngkat 20 ngut ki dkhot.
Ia kane ka sienjam la shim ha ka jingiakren kaba la khot u myntri rangbah u Conrad K Sangma ia ki nongtrei ka SSA kiba pyllong ia ka jingiakhih khlem buh por ha madan Malki naduh hynnin ka sngi.
Ha kane ka Committee la don lang ki nongialam na ka seng ki nongtrei SSA hapoh ka lama ka All Meghalaya SSA Non-Teaching Staff Association.
Na ka liang ka President ka seng, ka kong Jenniferjune Synrem ka la ong ba ki nongtrei SSA kim pat weng ia ka jingiakhih haduh ba kin ioh ia ka jingdawa bad lashai kin iashong biang ia ka jingialang bad u chairman ka Committee kaba la thaw mynta ka sngi.
Thaw committee kaba 20 ngut ban bishar ia ka jingdawa pynheh tulop ki nongtrei ssa
