Shillong: Mynta ka sngi, u MDC ka SOhra u bah Titosstarwell Chyne u la leit kynduh ia ki nongtrei ka Samagra Shiksha Abhiyan kiba iakhih ha madan Malki, ban dawa ban pynkiew tulop.
Haba kren sha ki lad pathai khubor, u MDC ka UDP na Sohra u bah Titosstarwell u la ong ba ka jingwan jong u sha katei ka jaka, ka dei hadien ba ula ioh ia ka jingtip ba ki pyllong ia ka jingiakhih bad kum u nongmihkhmat uba ju don ryngkat bad ki, u shim ba ka dei kamram ban leit kynduh ia ki ban sngewthuh ia ki jingdawa jongki bad ban pynsngew sha ka sorkar ia ki jingud jingnam jong kine ki nongtrei.
U la ong ba ki don ki kynhun na ka por sha ka por ki iakhih bad u kyntu ia ka sorkar ba kan sngap ia kane ka jingiakhih jong ki nongtrei SSA.
U bah Titosstarwell u la ong ba kane ka jingiakhih kam dei kaba kynsan hynrei ka dei ka jingpynbor ba kin mih shamadan hadien ba ka jingiakren, ka jingthoh la slem kam shym la urlong.
Leit ai mynsiem u MDC ka Sohra ia ki nongtrei SSA ba iakhih ha Malki
