Shillong: Shillong: Ki shipai Border Security Force (BSF) ha ka sngi Balang, kila ioh kem ia 6 ngut ki nongkhaïi masi tuh sha Bangladesh bad la ioh kurup ruh haduh 69 tylli ki masi kiba la thep jubor ha ki 4 tylli ki Bolero Pick-up. Ia kine ki 6 ngut la kem na khappud Bangladesh kaba don ha West Garo Hills.
Katkum ka jingpyllait khubor da ki BSF, ki shipai ka 100 Bn jong ki BSF Meghalaya, ryngkat ki pulit ka Jylla ha ka jingkhynra kaba la pynlong mynta ka sngi, kila ioh kurup ia 69 tylli ki masi na ka shnong Dalu ba don ha khappud bad kine ki masi ki dei kiba thmu ban khaïi tuh sha Bangladesh.
Ha kane ka jingkhynra, kila ioh kem ia 6 ngut ki nong India ia kiba la suba ba ki donkti ha ka kam khaïi tuh ia ki masi. Na ka liang ki BSF ki la aiti noh ia ki masi bad kitei ki 6 ngut sha ki Pulit ka Dalu Police Station ba kin pynlong ia ka jingtohkit.
Kurup ki BSF 69 tylli ki masi, 6 ngut ki briew bad 4 tylli ki kali Pick-up
