Babu Kular Khongjirem.
Lehse,ki nongpule ki lah ban sngewlyngngoh bad sngewphylla lada ki pule ia kane ka jingthoh,hynrei kalong pat kaba shisha. Ka jingstad maian Blei u Khasi hyndai ka kham khraw bad kham jylliew shibun shah ban ia ka jingtip bad jingbatai ki riew stad saians( Scientists) jong kane ka juk mynta.Napdeng bun tylli ki maian Blei ba ki Khasi ki la dep iathuh lypa, mynta ngin ia shu peit shwa ia kane kawei ka maian baphylla.
Ki Khasi mynshwa ki ju ong ba, ym ju bit ban shongkha shi kur shi jait,shi ba haing shi ba ha sem bad lada leh kumta,ki shu ong ‘sang’ bad ka kut tang katta.Kim lah pynshisha pat(proof) palat nangta kumba leh ki riewstad saians.Tangba ka ktien ‘sang’ ka khia bha hangi ki Khasi.Hynrei,ha kine ki phew snem ba la del,ki Doctor bad ki saiantist ba stad jong ka pyrthei ki la lah ban pynshisha ia kane ka jingngeit bad jingbatai u Khasi.Katkum ka jingbatai bad jingshem jong kine ki riewstad, ki ong ba ha man la ka snam jong uwei pa uwei u briew ne ka briew,ki don kita ki ‘Genes’ khamtam kita ki ‘Genetic family’.Ki ong hana,ba lada kita ki ‘Genes’ ki iadei ne iahap da kijuh, ym ju long.Lada jia ryngkhat ba ki ia kum shongkha da kijuh ki ‘Genes’, kiba mih nangta ki dei ki khun ‘pongka’ ne ki khun bym biang ka met ka phad ne kiba duna ha ka bor jingmut ne ka bor pyrkhat – pyrdain.Ym tang katta,lada ka snam kadei na ki juh ki ‘Genes’, kita ki khun ki lah ruh ban ioh bad thaw laiphew jait ki jait jingpang kum ka jingpang TB, Cancers, blood pressure(BP) bad bun rukom ki jait jingpang ba har rukom ha ka met.
Ki ong bad batai ruh ba ki khun ba mih na kijuh ki kmie ki kpa ki don da kijuh ki ‘Genes’. Kiba dei shi kur sha kha ne shi ba ha ing ha sem ruh ki don hi da kijuh ki ‘Genes’ ym ju long ban ia shongkha shongman. Ka jingmaham bad khein sang u Khasi ba ym bit ban ia shongkha shongman shi para,shi kur shi jait bad shi ing shi seng ka la urlong bad pynshisha shai kdar mynta hakhmat ka pyrthei stad ba ka sap bad ka maian Blei jong ka jingiathuh lypa u Khasi mynshwa ka kham khaw bad kham jylliew bun shah ban ia ki Doctor ne Scientist ba stad jong kane ka pyrthei stad mynta.Napdeng ki jait bynriew ba shongkha shi ing shi sem,shi kur shi jait bad shi ba ha ing ha sem,ki mih byllai ki khun ‘pongka hynrei hangne ha ri Khasi jongngi pat ba ka dei ka ri tip kur tip kha,ki khun ‘pongka’ ki kham duna shibun.Kane ka pyni shai kdar ba,ba ki longshwa manshwa jongngi ki la dep tip bad iathuh lypa hashwa ba ki riew stad jong kane ka juk kin lap ne shem ia ka sap jingstad jongki.Haba kumta,kham stad ki longshwa manshwa jongngi ne kham stad ki scientist jong kane ka juk mynta ne?. Ki nongpule kin sa ai ka jubab kaba biang halor kane.
Ki khun kiba mih na kijuh ki kmie ki kpa ki don da kijuh ki ‘Genes’
