Shillong: Ka phlim “Rapture,” kaba la shna bad pynmih da u Dominic Sangma na Meghalaya ka la ioh khusnam ha 7th Malaysian International Film Festival 2024 kaba long ha Kuala Lumpur.
Ia kane ka khusnam jong kane ka phlim la pdiang da u cinematographer u Toxo Xavier, uba la trei shitom ban wanrah jingjop ia kane phlim Garo na Meghalaya.
Ka phlim Rapture kadei ka phlim shaphang u khynnah ba 10 snem uba don ka jingpang na ka jingbym lah ban iohi ha ka por mynmiet kaba la tip kum ka night blindness.
Ka khana ka long ba une u khynnah u sah ha shnong da ka mynsiem jingsheptieng namar ba ki briew ki jah halor ka jingpur khana ba ki don ki nongrah bor bad ki shim ia ki dohjem na ka met ki briew.
Ka khana jong kane ka phlim ka la khring ia kiba bun ki jongpeit phlim ha kylleng ki jaka bad ka pyni ruh ia ka jingriewspah ka kolshor ha ka jaidbynriew Garo.
Ia kane ka phlim la kyrshan da u Hubert Bals, Visions Sud Est, bad ka Doha Film Institute.
Hadien shisnem ba la bishar bniah ia kane ka phlim, yn sa pyllait paidbah ia phlim “Rapture” ha ka sien ba nyngkong ha jylla Meghalaya ha Tura, Garo Hills ha ka 15 tarik Nailar.
Ka jingjop kane ka phlim Rapture kam dei ba pyni tang ia ka sap ha Garo hynrei ha kylleng ki jaka ha ka thain shathie Lammihngi.
Ka khana khlong dohjem-rah khusnam ka phlim Rapture na Meghalaya ha Kuala Lumpur
