Shillong: Ka Directorate of School Education and Literacy jong ka Sorkar Meghalaya, ka la pynbna shuti ia ki Skul kiba don ha nongbah Shillong kiba hap hapoh u pud u sam jong ka Municipal ha ka 2 tarik Nailar na ka daw ka jingplie lane ka opening ceremony ia ka Durand Cup kaba dei kawei ka lympung football ba heh hapoh ka ri India.
Kane ka jingpynbna shuti da ka tnat kadei hadien ba la pynshong nongrim bha ba ki khynnah skul kin nym shah ktah ha ka leit ka wan, namar la khmih lynti ba kane ka jingplie kan long kaba bun briew bad ka lah ban mih ka jingkhapngiah bad ka jingdheng kali.
Ia ka opening ceremony jong ka Durand Cup 2024 yn pynlong ha J.N. Sports Complex, Polo Ground, Shillong.
2 tarik, ioh shuti ki skul ba hap ha jaka ka Shillong Municipal ha ka sngi plie ia ka Durand Cup
