Shillong: Uwei u briew ula thaw jingkulmar ha kawei ka dukan ha Laitumkhrah Beat House ha ka 25 tarik mynta u bnai Naitung 2024. Ki pulit ka Laitumkhrah hadien ba la ioh jingtip ia kane, kila mareh sha katei ka jaka ban tohkit. Hynrei kham hadien, la tip ba u dei u briew uba don ka jingktah bor jabieng.
Hadien kane, la pynkit sha MIMHANS Hospital, Shillong ban peit bniah bad la pynsah syndon ia u ha katei ka jaka sumar ban shah sumar.
Halor kane, u SP ka East Khasi Hills u bah Sylvestar Nongtynger ula kyrpad ba kiba haiing hasem jong une u briew kin sngewbha ban leit pyntip mardor sha ki pulit ka Laitumkhrah lane ka bor pyniaid ka MIMHANS.
Ia une u briew la tip kyrteng kum u Bishar Dame Suchiang ba sah ha Shangpung, West Jaintia Hills.
Thaw jingkulmar uba ktah khlieh ha dukan ha Laitumkhrah
