Shillong: U MLA ka Voice of People Party (VPP) na Mawryngkneng u bah Heavingson Kharpran ula pynshai ia ka jingsngew wit halor ka jingmih khubor ba ka party VPP kala shah tan khlem jingmut ha kaba iadei bad ka jingthung ia u Nongialam Liangpyrshah.
Ha ka shithi kaba ula phah sha u Lamphang ka ïing dorbar mynta ka sngi, u bah Heavingson ula ong ba ka party kam don bynta halor ka rai jong ka ophis u Lamphang ban thung ia u nongialam liangpyrshah. Ka jingkyrshan jong u President ka VPP u bah Ardent M Basaiawmoit ia u Saleng A Sangma na ia ka kam u Shabuk Liangpyrshah, ym dei satia ban shim ia ka jingdonkti ban jied ia u Nongialam Liangpyrshah, namar ba u la leh kum u riew shimet hadien ba la kyrpad shimet u Saleng A Sangma.
Ka jingkyrshan shimet u bah Ardent ia u Saleng, ym dei ka party, ong u MLA ka VPP
