Shillong: U MP ka Congress na Tura u Saleng A Sangma u la kren ha ka sien ba nyngkong ha Parliament mynta ka 29 tarik Naitung 2024.
Ha kane ka jingkren halor ka mang tyngka 2024-25 hapoh Parliament, u Saleng u la ong ba kane ka mang tyngka ka leh shiliang tang ia ki katto katne ki jylla, bad kam pylleit jingmut ia ka thain shatei lammihngi ka India.
U Saleng u la ong ba kren ia ka jingjia ha Manipur kaba la pynphet shnong ia ki briew bun bah.
U la la dawa ruh ban ithuh noh ia ka ktien Khasi, Garo bad kumjuh ia ka jingpyntreikam ia ka Inner Line Permit (ILP) ha Meghalaya. U la ong ba da ki spah ki Rohingya kila wan phet na Myanmar ban rung tuh sha India kaba la buh jingma ia ki jylla ha North East bad ka Meghalaya, bad ka la don ruh ka jingshalan bad khaii beain ha khappud naduh u kwai, tympew, shini bad u drok. U la dawa ba ka la donkam kyrkieh ia ka khyrdop ha ki khappud ban tehlakam ia kane.
Ha Parliament, dawa ILP, ktien Khasi, Garo u Saleng nalor ka khaïi shini, kwai beain sha Bangladesh
