Shillong: Ka Nongstoin District Sports Association bad ka Ri-Bhoi District Sports Association ka la ioh khur ia ka jingjop ha ka U-14 bad ka U-16 ha ka Meghalaya Youth League 2024.
Ka Ri-Bhoi ka la pynrem ia ka Riwar Mihngi Football Association da 9-0 kol ha ka U-14 bad 6-0 kol ha ka U-16 category jong ka Zone C kaba la long ha UUP Stadium ha Pynursla.
U Ribanshan Kyrsian u la ioh thep hat-trick na bynta ka Ri-Bhoi ha ka U-14.
Katba ka Nongstoin ka la pynrem ia ka Mawkyrwat District Sports Association da 3-0 kol ba 2-0 kol ha ka U-14 bad ka U-16 ha ka Zone D.
Lyngba ka jingjop ha kane ka jingiakhun, ka Nongstoin bad ka Ri-Bhoi ki la ioh ban kamai 6 ha man ki kyrdan jong ka jinglehkai.
Ha ka U-14 ka Pyndengumiong District Sports Association ruh ka la kamai 6 points lyngba ka jingjop ia ka Tyrsad Area Sports Association da 2-0 ha ka Zone D kaba long ha kane ka sngi Siatjain.
Katba ka Pyndengumiong ha ka U-16 ka la shah rem ha ka Tyrsad da 4-0 kol.
Ha ka jinglehkai jong ka U-16 ha ka Zone A kaba la sdang ha kane ka taiew bakut, ka Williamnagar District Sports Association ka la jop ia ka Tura District Football Association da 6-2 kol.
Ha ka Zone A, U-14 match kaba la long hapdeng ka North Garo Hills District Sports Association bad ka Baghmara District Football Association.
Ka Zone B, la sakhi ba ka West Jaintia District Sports Association ka la jop ha ka U-14 da 5-1 bad ha ka U-16 ka la jop da 1-0 pyrshah ia ka East Jaintia District Football Association ha Jowai’s Kiang Nangbah Stadium.
Ka kynhun Laskein Block Sports Association ruh ka la jop ha ka jingiakhun jong ka U-14 match da 2-0 kol pyrshah ia ka Saipung Block Sports Association .
Iaid shaphrang ka lympung Meghalaya Youth League, jop ka Nongstoin, Ri-Bhoi ha ka U-14
