Shillong: Ki 10 tylli ki Autonomous district council bad ki Terrirotial council kin sa sakhi ia ka jingpynkylla hadien ba ka sorkar pdeng kan pynthymmai ia ka Sixth Schedule ka riti synshar ka ri. ia kane la kular u myntri ka tnad kam pohiing ka ri u Amit Shah ha ka jingiakynduh ki 10 tylli kine ki ki Autonomous district council bad ki Territorial council mynta ka 25 tarik Naitung 2024 ha nongbah Delhi.
Ki 10 tylli ki Autonomous Council bad ki Autonomous District Council ki long ka KHADC, JHADC bad GHADC ha Meghalaya, ka Mara, Lai bad ka Chakma Autonomous District Council ha Mizoram, ka Tripra Autonomous District Council ha Tripura, ka Bodoland Territorial Autonomous Council, Dima Hasao Autonomous Council bad ka Karbi Autonomous Council ha Assam.
U CEM ka KHADC u bah Pyniaid Sing Syiem u la ong ba ka jingiakynduh ka long kaba seisoh. U la ong ba u Amit Shah ula kular ban pyndep ia ki jingdawa jong kine ki 10 tylli ki Autonomous Council hapoh shi bnai kaba mut hapoh ka 25 tarik u Nailar ban wan halor ka jingpynkhreh ban wanrah ia ka jingpynkylla ia ka Sixth Schedule ka riti synshar ka ri.
U bah Pyniaid ula ong ba la thaw ruh ia ka Committee halor kane, kaban khlieh u myntri khynnah ka tnad kam pohiing ka ri ban pynbit pynbiang ia ki jingdawa jong kine ki 10 tylli ki Autonomous Council bad ki Autonomous District Council.
Ha kajuh ka por, u la pyntip ba ka jingialang kaba ar jong baroh 10 tylli kine ki Autonomous Council bad ki Autonomous District Council kan long ha ka 10 tarik Nailar 2024 ha Shillong.
Kular u Amit Shah ia ki 10 tylli ki Autonomous District bad Autonomous Council ban pynbeit noh
