Shillong: Ha ka step ka 25 tarik, Naitung 2024, ha ka por 7:30 ne 8 baje eiei, ka la pynkyndit ia ki briew hadien ba kawei ka ïing ha Mawbah (Barapathar) ka la shah kawang petrol bomb ha ki briew bym ithuh satia.
Hynrei namar ba u petrol bomb u leit dei noh ha ka dish TV, kiba don ha ka iing kila lait thaw na ka jingmynsaw.
Kane ka Iing ka dei jong ka kong Julie Lyngdoh, bad la sahwai da ki bar jylla.
U Superintendent of Police ka East Khasi Hills u bah Sylvestar Nongtynger u la ong ba ki runar kila leit ban kawang maw shuwa ia kane ka Iing shwa ban kawang sa da u petrol bomb. U la ong ba ki don katto katne ngut ki runar kiba leh ia kane ka kam bad ki pulit ki dang thwet ia ki mynta.
U pyntip ba ki runar kila wan mih na ka jaka khlaw ba marjan ban leh ia kane ka kam pyntriem.
Ia kane ka jingjia la register case ha Lumdiengjri Police Station bad ka jingtohkit mynta kala iaid shakhmat.
Ki don katto katno ngut ki runar kiba kawang petrol bomb, ong u SP
