Shillong: Uwei u briew ula shah kem halor ka jingleh mynleh kum u shipai thok. La kem ia une u briew na 101 Area, Shillong mynta ka sngi hadien ba ki bor syntiat ka tnad shipai kila lap ia kane ka jingthok jong u.
Ia une u briew la tip kyrteng kum u Sarchehon Rongpi, u khun jong u Prem Rongpi, na shnong Kiching Rongpi, Dokmoka, Karbi Anglong District, Assam.
La lap ia u Rongpi ba u la leh mynleh shipai da kaba riam shipai Indian Army bad iaid sharum shaneng ha ka thain military station. Ula ring video bad shon dur ha mobile phun jong u kynthup kum ka AK-47 rifles bad kiwei ki tiar shipai.
Ia une u shipai thok, la aiti sha ki pulit ka Meghalaya ban tohkit bniah.
Shah kem u shipai thok na 101 Area Shillong
