Shillong: Ka sorkar Meghalaya kan rakhe ia ka jingdap saw snem ka National Education Policy (NEP) ha ka sngi Nyngkong ka 29 tarik mynta u bnai Naitung namar ba ka sngi kut ka dei ha ka sngi u Blei, ka 28 tarik.
Ha ka jingpynbna ka sorkar jylla lyngba ka tnad pule puthi, la bthah ia baroh ki principal jong ki skul ban rakhe ia ka Shiksha Saptah naduh ka 22 tarik haduh 28 tarik Naitung, 2024 shi bynta ban burom kyrpang ia ka jingpynlong kam ia ka NEP 2020.
U myntri ka tnad pule puthi ka jylla, u Rakkam A Sangma ha kane ka sngi baar u la pyntip ba namar ba ka sngi kut jong kane ka jingrakhe ka dei ha ka sngi u Blei, na ka liang ka sorkar jylla ka la pynkynriah noh sha ka sngi Nyngkong ka 29 tarik.
U la ong ba kane ka jingpynkynriah sngi ka long ban pynthikna ba kan ym don kano kano ka jingthut namar ba ka sngi kut ka dei ha ka sngi u Blei.