Shillong: Ka KHADC mynta ka sngi ka la khot ia ka jingialang jong ki nongshalan mar bad ki trai par jong ka thain Hima Sohra, Sohbar, Nongjri, Wahlong, Shella bad ki nongshong shnong ka Majai kynthup ki nongkhaii Shabar.
Ki don kumba 300 ngut eiei ki nongkhaii Shabar ri, kata sha Bangladesh hynrei napdeng kine, ki don tang 80 ngut eiei kiba shalan mar.
U Deputy CEM ka KHADC u bah Pynshngain N Syiem u la pyntip ba ka seng ki nongkhaii Shabar ne exporters kin phah ia ki thup kyrteng jongki bad kumjuh ka Hima kan phah ia ki trai par hapoh shi taiew sha ka Council.
U la ong ba ka Council kan sa shna ia ki kyndon na bynta ki nongkhaii exporter, ki Hima bad ka Council bad hadien ba la shna ia ki kyndon, yn khot biang ia ka jingialang ia ki, khnang ban ym ktah ia ka khaii pateng jongki.
U la ong ba namar bym don ka rukom treikam kaba ryntih, teng teng ujuh u briew u ioh rung ban leit buh mar bunsien haka shi sngi katba don kiba khlem ioh leit buh mar.
Pan ka KHADC ia ki kyrteng ki Exporter bad ki trai par, ba bun tang ki kyrteng khlem treikam
