Shillong: U Myntri rangbah ka jylla u Conrad Sangma ula pynpaw ia ka jingkmen ba ka jylla ka ioh ban pdiang ia ka Durand Cup mynta u snem 2024.
U Myntri Rangbah ha kane ka sngi u la pyni paidbah ruh ia ka Durand Cup Trophy ha u Soso Tham Auditorium ha ryngkat ka jingdonlang u Myntri ka tnad kam ialehkai ka jylla u bah Shakliar Warjri, u Air Marshal, EAC, SP Dharkar, Lt Gen Sanjay Malik, GOC, 101 Area, GOC, Bengal sub-area, Vice Chairman DC-OC, Maj Gen Rajesh A Moghe, ADG NCC, Maj Gen Gagan Deep bad u Additional Chief Secretary, ka sorkar jylla u Dr Shakil Ahammed.
Haba kren ha kane ka sngi u Myntri Rangbah ka jylla u Conrad K Sangma u la ong watla ka jylla naduh mynshem snem ka la kwah ban pdiang ia kane ka lympung lehkai hynrei ka jingioh pdiang mynta u snem ka la wanrah ka jingkmen namar ba ka jylla Meghalaya kadei ka jylla kaba la kham hashwa ban ia kiwei ki jylla ha kaban iakop lehkai phutbol.
Ula ong ba ka sorkar jylla kan sa ai jingkyrshan na bynta ban pynthikna ba kane ka lympung lehkai kan long kaba jop.
Ula ong ba ka sorkar ha ki snem ba ladep ka la kular kumba T. 1000 klur na bynta ban pynlut ha ki jingdonkam ha ka kam ialehkai.
Ula kyntu ia ki paidbah ba kin shim bynta ha kane ka lympung lehkai jong ka Durand Cup 2024.
Ia kane ka lympung yn plie ha JN Stadium kaban long hapdeng ka Shillong Lajong bad ka Tribhuvan Army Football Club ha ka 2 tarik Nailar ha ka por 4 baje.
Wan ka Durand Cup ha Shillong, kumba 6 tylli yn sakhi ia ki jingialehkai
