Shillong: Ka Executive Committee jong ka Khasi Hills Autonomous District Council (KHADC) ka la pyntip sha ka kynhun jong ki khun ki hajar ka Hima Sohra ba la pyndam noh ia ka jingpynbna ia ka Raid Majai kaba la pynmih ha ka 21 tarik Jylliew mynta u snem.
U Bah M Bynnud uba uwei na ki convener, u la iathuh ba na ka liang u Deputy CEM, u Bah Pynshngaiñ N Syiem mynta ka janmiet u la aiti ia kane ka jingpynbna ba la pyndam noh ia jingpynbna kaba hashwa.
Katkum ka jingpynbna ba la aiti sha ka Him Sohra, ka Executive Committee ka la pynsangeh noh shwa ia ka jingpynbna Raid ia ka Majai, Sohra Syoemship, hadien ba la ioh ia ka jingujor na kiba bun.
Na ka liang u Bah Totosstarwell Chyne uba dei u MDC ka Sohra, u la pynpaw ka jingkmen halor ka rai jong ka executive committee, bad u la ong naduh kaba sdang ki khun ki hajar kim sngewtynnat bad kim pdiang ia ka jingithuh ia ka Majai kum ka Raid.