Shillong: Ka seng Rashtriya Swayamsevak Sangh (RSS) ka la kynmaw burom ia u Syiem Tirot Sing Syiemlieh uwei na ki Syiem ka Hima Nongkhlaw uba ialeh pyrshah ia ka jingwan thombor ka ri Bilat ha ki snem 1829.
Mynta ka sngi ka dei ka lyngkhuh sngi iap kaba 189 snem jong u Syiem Tirot Sing ka Hima Nongkhlaw, ha kaba ki seng bad ki kynhun bapher bapher kila kynmaw burom ia une u khlawait uba la ieng pyrshah ia ka sorkar phareng ka ri Bilat ha ka snem 1829.
Ka RSS ka la pyllong ia ka prokram ban kynmaw ia u Syiem Tirot Sing ha Mani Singh Gurung Auditorium, Gorkha Pathshala, Higher Secondary School, Karikhana, Lumdiengjri, Shillong.
U Pradeep Joshi uba dei u All India Co-Prachar Pramukh ka RSS ula long kum u nongkren ba kongsan ha kane ka prokram.
Kynmaw burom ka RSS ia u Syiem Tirot Sing ha Shillong
