Shillong: Ka krem ha shnong Pyrda ka Hima Nongkhlaw ka dei kawei na ki krem, kaba u Syiem ba donkam, u Syiem Tirot Sing Syiemlieh ula iakhun thma kaikhlaw pyrshah ia ki shipai ka ri Balat. Ia kane ka shnong la ioh kyrteng Pyrda namar ba la wan sah nyngkong kawei ka briew kaba kyrteng ka Pyrda.
Ha kane ka krem, la don ki dak ki shin kiba u Tirot Sing u la pyndonkam ia ka, ban ap thap ia ki shipai ka ri Bilat ban pyniap ruh bun ngut namar ka jingwan leh thombor jongki ia ka Hima Nongkhlaw.
Ka thma ka la sdang ha u snem 1829 bad ka la neh kumba 4 snem shwa ba u Tirot Sing un shah kem ha ki shipai Bilat kiba la shet shukor ban khot iakren iasuk Um Shyllong hynrei ki la kem bad set phatok pynban, hadien ba u Tirot Sing ula mih na krem kaba don ha Nongthliew hajan Zero Point.
Hapoh kane ka krem Pyrda, ki dak kum ki mawjam, u mawkhang ki dang don, kiba la ngeit ba u Tirot Sing ula pyndonkam ha kato ka por ban ialeh pyrshah ia ki shipai Bilat.
U Tirot Sing ula khlad ha ka 17 tarik Naitung 1835 ha nongbah Decca kaba khot ka Bengal ha katei ka por bad ka Dhaka ka Bangladesh ba mynta.
Ka krem Pyrda kaba iakhun thma kaikhlaw u Tirot Sing ia ki shipai Bilat
