Shillong: U myntri rangbah ka jylla u Conrad K Sangma ula ialam ia ki nongrep na Meghalaya sha ka jaka sah ka President ka Rashtrapati Bhavan, ha nongbah Delhi.
Kine ki nongrep ki dei kiba la wan ban iashim bynta ban die ia ki sohtrun jongki ha ka iew sohtrun kaba la pyllong ka sorkar jylla ha Dilli Haat, New Delhi. Ki don 19 ngut ki nongrep na ka jylla bad 10 ngut ki nongsengkam lajong kiba u Myntri Ramgbah ula leit ialam jngohkai lem bad ki ophisar sha katei ka jaka.
Kila ioh ban sakhi ia ka ‘Janjatiya Darpan’, kaba dei ka jaka tyngkai ia ki lariti jong ki riewlum ha Rashtrapati Bhawan, ha kaba ka President ka India ka Droupadi Murmu ruh ka dei ka riewlum. Ki la sakhi ia ki jingdeng kiba dei jong ki Khasi bad Garo ka Meghalaya kiba don ha katei ka jaka sah ka President.
Ialam u Conrad ia ki nongrep sha jaka sah ka President ka ri
