Shillong: Ka Civil Sub-Divisional Officer ka Pynursla ka la pynbna mynta ka sngi, ba yn khang ban iaid kali lashai ka 17 tarik Naitung 2024 hapdeng 12 haduh 2baje janmiet.
Ha ka jingpynbna ka SDO Pynursla mynta ka sngi, la ong ba kane ka jingkhang ka long hadien ba ka kompeni M/S YfC -ACE (JV) kaba pyntrei ia kane ka surok kan weng ia ki mawbah mawsan bad pynkhuid ia ki maw kiba sdien najrong kiba la buh jingma ia ka leit ka wan ki paidbah.
Ka jingweng bad ka jingpynkhuid ia ki maw kan long ha ka bynta 33+00 kaba don ha Rngain ka surokbah NH40 Shillong-Dawki.
Yn khang iaid kali 12-2 Pm ha Rngain
