Shillong: U President barim ka America uba iakhun biang mynta ka kynti u Donald Trump ula shah siat na bynta ka shkor katba u dang ialap elekshon ha Pennsylvania ha ka janmiet sngi Saitjain.
“U kuli ula ksam ia ka bynta shaneng ka shkor phang ka mon jong nga”, la ong u Trump haba uwei u briew ula synreit kuli ha ka jingialang jong u ha Butler, Pennsylvania.
Ki pulit ka Secret Service kila pynthikna ba u Trump u lait na ka jingma mynta watla ula don ha ka jingmynsaw.
U briew uba siat ia u Trump ula shah siat iap ha ki pulit ka Secret Service bad uwei u riew paidbah ruh ula khlad hadien ka jingiasynreit kuli.
Ia u briew uba siat la tip kyrteng kum u Thomas Matthew Crooks ba 20 snem, uba sah ha Bethel Park, Pennsylvania. Ki pulit ka Secret Service kila ong b aune u briew u la synreit kuli bun kylla na ka jaka ba kham kynjang kaba don nabar ka jaka ba pyllong ia ka jingialang jong u Trump shwa ba un shah siat ha ki pulit.
Kane ka jingjia ka la pynlong ia ki nongialam ki ri ban pynrem jur kynthup na u President ka America uba iakhun pyrshah u Trump, u Joe Biden.
Kawei na ki mat elekshon u Trump ka long ban iasaid ia ka hok ban don ka tiar ne suloi ia ki briew ban iada ia ka jingim jongki bad ki mar ki mata, wat u la pynpaw ba ka donkam ban pyrkhing pat ha ki katto katne ki bynta.
Katba dang ialap elekshon, shah siat u Donald Trump na bynta ka shkor
