Shillong: Hadien ba u bah Bindo M Lanong ula ialeh ia ka elekshon MLA pyrshah ia u kyrtong ka party u bah Lambor Malngiang na Nongkrem, ka la don ka jingleh kiar kaba jur bha na ki nongialam ka UDP ia u.
Ka la don ka jingtip ba wat ki nongialam ka UDP kila pyrshang ban phah weng noh ia u bah Bindo M Lanong na ka kam MDC shu sieh ka KHADC.
Haba kren mynta ka sngi, u bah Bindo u la ong ba, watla um pat ioh sakhi kaba biang halor kane, hynrei ula kubur ba ula shu ioh jingtip na ki paralok kiba don ha ka sorkar MDA, ba u president ka UDP u bah Metbah Lyngdoh ula pyrshang ban phah weng noh ia u na ka kam MDC shu sieh.
Lah ban kdew ba u bah Bindo ula shah sieh MDC ha ka por ba dang don u President barim ka UDP u Dr. Donkupar Roy bam kwai ha duwar u Blei.
“Nga shu ioh sngew ba la iathuh ki paralok kiba don ha ka sorkar MDA, kila pyrshang ia kata ruh”, la ong u bah Bindo.
Pyrshang ka UDP ban phah weng MDC shu sieh ia u bah Bindo
