Shillong: Ka KHADC ka lut tang T. 11,22,00 lak ha ka jingpyllong ia ka tamasa mawbynna ha Mawphlang mynta u snem 2024.
Haba jubab ia ka jingkylli ba la wanrah u bah Titosstarwell Chyne hapoh dorbar ka KHADC, u Executive Member ka tnad Lariti, u bah Victor Rani ula pyntip ba na kane, T.7,62,000 lak la pyllut ia ki jingdonkam ka tamasa katba T.3,60,000 lak la pyllut na bynta ban siew ia ki volunteers.
Ha ka jingshisha, ka Council ka la mang pynap T.20 lak ban pyllut ha kane ka tamasa mawbynna.
Ia ka jinglut jingsep la leh ka tnad jngohkai ka jylla naduh ka jingshna, ka jingpynbiang ia ki jingdonkam bad ka KHADC ka long tang kum ka nongpeitkai, watla ka dei trai maka ia katei ka tamasa. Ka KHADC kam shym la ioh eiei ruh na kane ka tamasa.
Tang 11 lak tam lut ka KHADC ha ka Tamasa Mawbynna
