Shillong: Ka KSU Mairang Circle haka jing iatreilang bad ka KSU Nongkhlaw circle hapoh ka jingialam Jong u Samla Rangshai Ryntathiang president KSU Nongkhlaw circle bad U samla Robin Nongrem General secretary ka KSU Mairang Circle mynta ka sngi ka la pynlong iaka jingkhynra ia ki mynder kiba wan ban trei beaiñ hapoh ka thain Eastern West khasi hills district, hakane ka jing khynra ka seng ka lap ba ki nongtrei bar jylla ba la ioh bat ki don kumba 26 ngut hynrei 2ngut na pdeng jong ki Kim shym la don ki kot ki sla kiba biang kumta ka Seng kala beh noh ïa kine ki 2ngut ki bar jylla ki bym don ki kot ki sla kiba biang, katba 24 ngut ki don ki kot ki sla kiba biang kynthup ïaka labour licence bad ïaka work permit
Haba phai pat ha Mairang ka Seng kala ioh bat kumba 7 ngut ki bar jylla kiba trei bylla ha Tirot Memorial hospital Mairang ka Seng kala ju leit jurip na kapor sha ka por bad Maham ia u contractor ban pynbiang iaki kot ki sla iaki nong trei jong u,ka Seng kala leit jurip khatduh ha 12tarik bnai jymmang 2024 bad ruh kala aipor ba dei ban pynbiang iaki kot ki sla hapoh 2 taiew hynrei ka jing leh mynthi jong u contractor kala pynlong iaka Seng ban beh shi syndon ia kine ki nongtrei bar jylla ki bym shym la pynbiang ia ki kot ki sla.
Ka kyrwoh kaba shai na ka seng ka long ba ka Seng kan iai bteng ban khynra naphang iaki mynder kiba wan trei hapoh shnong poh thaw khlem ki kot ki sla kiba biang bad ruh ka Seng ka kyntu iaki nongïalam shnong ba kin ai ka kti ka mon ban iatrei lang bad ban nym ailad iaki briew kiba na bar ban wan mushlia hapoh ka dong ka thaiñ.
Khynra mynder ka KSU Mairang bad Nongkhlaw circle, beh 2 ngut bym don kot
