Shillong: Ka jingshah kem u nongialam ka Khasi Students Union (KSU) Nongthymmai circle u samla Eric Nongkynrih ha ka por shiteng miet bad shah rah sha Sardar Police Station, ka la pynrem jur na ka seng khamtam na u President ka sengkmie.
U samla Lambokstarwell Marngar haba pynrem jur ia ka jingleit kem ki pulit shiteng miet ia u nongialam ka seng, u la buh jingkylli, mano kita kiba phah ia ki pulit ban leit kem shiteng miet.
Hadien katto katne kynta, ki pulit kila pyllait noh ia u President ka KSU Nongthymmai na thanat ha Sardar Police Station.
U samla Lambokstarwell u la ong ba ka jingwan kem ki pulit shiteng miet ka la buh ka jingsuba bad u la ong balei kim wan kem ha ka por myn sngi. U la ong ba ka KSU kam dei ka seng lehnoh ban wan kem mynmiet bad lada ki donkam ban kem ban khot hajir, ki dkhot ka seng ki kloi ban wan lut sha thanat ban shah kem ban pyndap ia ka phatok ruh kampher.
‘Haba kylli, ki shu ong ba shu phah kem najrong mano kita najrong: KSU
