Shillong: U myntri rangbah ka jylla u Conrad K Sangma u la ong ba ka jingshlei um ha rilum Garo ka jubor bha ha kaba ka um ka la kiew sha ryngkew ha kine ki sngi ba la dep.
U la ong ba kumba 32 hajar ki briew kila shah ktah hynrei ka jingsted ki bor ban iarap ka la pyllait ia ki paidbah na ka jingma.
Haba kren mynta ka sngi, u Conrad u la ong ba watla mynta ka um ka la hiar khyndiat hynrei ka jingiarap ba kyrkieh la phah wut wut sha ki briew kiba shah ktah. U la ong ba ka wah Brahmaputra ka dei kaba heh bad ka jingjur u slap ka la pynlong ban kiew ka um sha jaka sah ki briew. U la ong ba ki paidbah ki dei ban long husiar namar ba ka don ka wah Brahmaputra ka lah ban wan tur man ka por haba jur ka jingther u slap.
Ka um ka la nang kiew, ka don jingsyier bha ia ki paidbah, ong u Conrad
