Shillong: Namar ka jingbym lah pyntreikam ka sorkar Jylla ia ka Work Permit bad ia ka ain MRSSA bad kumjuh ruh ka jingsahteng ban ioh ILP, ka KSU ka la bteng ban talasa kot ia ki bar jylla kiba wan trei bylla sha kane ka jylla.
Mynta ka 10 tarik Naitung 2024, ka KSU Laitumkhrah Unit ka la khynra ia ki nongtrei bar jylla ha kiba bun ki bynta jong ka Shnong Laitumkhrah bad ka la lap haduh 62 ngut ki nongtrei ki bym shym la don ia ka Work Permit. kumta ka seng ka la phah noh ia ki ban leit phai pat sha ki jaka ba ki shong ki sah.
Ia kane ka jingtalasi, la ialam u samla Brandon Shangpliang, u general secretary bad u samla Sambormi Lyngdoh President KSU Laitumkhrah Unit.
Bteng talasi Work Permit ka KSU ia ki nongtrei bar jylla ha Laitumkhrah
