Shillong: Ka jingpynkhreh ïa ka jingrakhe dap jubiliksiar ne ka jingdap 50 snem ka Ribhoi District Sports Association (RBDSA), ka la nang ïaid shakhmat.
Ki nongïalam ka RBDSA ki la leit kynduh ïa u MLA ka Nongpoh Constituency u bah Mayralborn Syiem bad ïa u bah Shakliar Warjri, U Myntri ba dei peit ïaka kam ïalehkai ban pynsngew haki ïa ki jingthmu kaba ki don.
U President ka RBDSA u bah RB Shadap u la pynpaw ïaka jingsngew nguh ïa u MLA jong ka Nongpoh ba u la pynlait por ban sngap ïa kaei baka RBDSA ka don jingthmu ban leh, u la pynpaw ruh ïaka jingsngew nguh ïaka jing synran lang u MLA bah Mayralborn Syiem ban leit ïa kynduh ïa u Bah Shakliar Warjri haka ïing sah jong u.
U bah RB Shadap u la ïathuh u myntri ka tnad kam ïalehkai, u la sngew tynnad ban ïohi ïa kaei ba kum ka RBDSA ka don ban leh ha kane ka jingrakhe dap 50 snem, bad u la kular ruh ba ka sorkar kan ïadon bynta lang ban ïarap katba ka lah ha kaba ïadei bad katei ka jing thmu jong ka RBDSA.
Ka jingrakhe dap 50 snem jong ka Ribhoi District Sports Association RBDSA kan sdang noh ha une bnai bad yn pynkut pat ha u bnai Risaw.
Pynkhreh ka RBDSA rakhe ïa ka Jubilee Ksiar
