Shillong: Ki Nongthang jong ka ding ka MeECL kiba don kumba 251 tylli na ka shnong Mawkyrwat bad ki Nongshong ïew, mynta ka sngi kila leit tur puk sha ophis jong ka MePDCL kaba don ha Mawkyrwat Division ban dawa wanrah noh ia u Transformer hapoh shi taiew, bad lada kam leh, kin shong kyrain hakhmat ophis ka MeECL.
Ia kane ka kynhun la ialam u bah Mihsalan K.Turnia bad bah Skhembor W.nongrum.
Kila rai ban ai por shi taiew ban wan buh thymmai noh ia u Transformer uba la duh la kumba 2 taiew eiei bad lada ka MePDCL kam lah ban ai bording kin sa pynlong ka jing shong Kyllain Mungor ha khmat ka ophis MePDCL kaba don ha Mawkyrwat.
U bah Mihsalan K.Turnia u la pynpaw ka jing sngew lyngngoh haba ki leit mih sha kane ka ophis Bording hynrei ym shym la don ki heh ophisar ha kane ka tnad ophis, ha kaba wat u Deputy Commissioner ka District u lah ban wan biang por sha ophis naduh ka sngi nyngkong.
U la ong ruh ba balei ka MePDCL jong ka Mawkywat Division kam shym la leh eiei da ki bnai khlem pynbha ia ki transformer haduh ban wan tur ki paidbah sha ophis.
Hynrei kaba lyngngoh ba hadien ba la tur ki paidbah, tang da ki khyllipmat ki kular ban ai thymmai biang ia u Transformer .
Puk mih ki nongthang ding ka MeECL ka Mawkyrwat, tang shi khyllipmat kular ban ai Transformer
