Shillong: Jin kumba 50 ngut eiei ki briew kiba leit sngewlem ha kawei ka ïing iap briew kila kem pang kynsan hadien ba la suba na ka bam.
Kane ka la jia ha shnong Nongdom ha ka 28 tarik Jylliew 2024, kaba hap ha Eastern West khasi Hills District.
Kine ki paidbah ki la poi ban shah sumar hapoh Tirot Sing Memorial Civil Hospital Mairang hadien ba la suba ba kila kem pang na ka bam ha ing iap briew ha katei ka shnong.
Ha katei ka sngi, kumba 10 ngut ki la kem pang bad wan shah sumar ha hospital katba ha ka sngi kaba bud, kata ha ka 29 tarik, la ioh ka jingtip ba sa kumba 40 ngut eiei ki la poi shah sumar ha kane ka juh katei ka hospital.
Katkum ka tyllong khubor la ioh ba kine ki nongpang baroh kidei kiba ioh pang prie pynhiar bad shitmet.
La ong ruh ba halor kane ka jingjia, na ka liang ka bor sorkar ki la phah ban test ia ka um bad ki jingbam ha katei ka iing iap briew ban tip ia ka jingshisha.
Kem pang jin 50 ngut hadien ba bam na iing iap briew
