SHILLONG: Ka Dorbar shnong Laitumkhrah ka la iai ban, ban dawa na ka sorkar ba ka dei ban pynkynriah lang ia ki kharmetor kiba sah ha Sweeper Lane ha Lum Sohra, Laitumkhrah, Shillong sha ka jaka ba ka sorkar ka thmu ban pynkynriah ia kiba sah ha Them Iewmawlong.
Ha kajuh ka por, ka shnong kam pat ai jingbit ia ka jingthmu ka sorkar ban tei iing hynniew tylli (block) ha katei ka jaka ban pynsah ia kitei ki kharmetor.
U rangbah shnong Laitumkhrah Pyllun, u bah Andrew J Jyrwa u la ong ba ka shnong ka don beit tang kawei ka jingthmu ba kito ki bym dei ki nongtrei jong ka Shillong Municipality Board, dei ban pynkynriah noh na katei ka jaka ruh.
Hynrei ha kajuh ka por, ba lada ka sorkar ka shna ia ki jingtei ha katei ka jaka, ym dei tang ia ki dkhar hynrei, dei ban ai lang ia ki Khasi ruh kumjuh kiba duk kiba shu shong wai katba ki dang trei ha ki ophis sorkar.
U Rangbah shnong ka Laitumkhrah Pyllun, ula ong ba ka jaka sah ki kharmetor ha Lumsohra, ka la long kum ka ktem ki kam beain bad kaba ima ka long ba mynta la nangbun kiba wan buhai shnong man ka sngi.
Ha kajuh ka por, u la ong ba kine ki jaitbynriew kiba shu kaw kaw, hylla kyrkait haba iamai shi iing ruh, bad kila pynwit ia ka shnong ka thaw, bad kano kano ka jingkulmar hapdeng jongki, ka mih sha surok, nalor ba ki la pynkhapngiah ia ka surok da kaba pynieng ia ki kali ha surok, bad kane ka la wanrah ka jingeh ia ki paidbah.
Pynkhreh ka sorkar ban tei 7 tylli ki ïing ban pynsah ia ki kharmetor ha Lumsohra
