Shillong: Ka jaka ïeng kali ha phyllaw ka Additional Secretariat kaba ju pyllong ki nongiakhih pyrshah sorkar ban pynlong ïa ka jingïakhih, ka la shah ker kper noh da ki nar.
Dang shen ka longkmie na them Bhoi ka la pynlong ïa ka jingshah thngan ha katei ka jaka ban dawa na ka sorkar ban pynbha ïa ka surok sha katei ka thaiñ Nongpoh bad ïa ka jingïakhih la weng noh hadien ba la kular ka sorkar ban leh eiei.
Hadien jong katei ka jingïakhih shah thngan ka sorkar ka la phah ker noh ïa katei ka jaka bad ka jingtrei ka dang iaid mynta ba la ïohi ba la pynïeng ïa ki nar bad la dep ban tih ïa ki thliew ban pynïeng ha katei ka jaka.
Kiba ïohi ïa kane ka jingker ïa kane ka jaka ki la pynpaw ba imat ka sorkar ka kwah ban khang ïa kane ka jaka ban nym don kano kano ka jingïakhih nangne shakhmat ha katei ka jaka, ka jingker ka la sdang ïa kane ka jaka.
Ker kper noh ka sorkar da ki nar ïa ka jaka pynlong jingïakhih ha phyllaw Additional Secretariat
