SHILLONG: Ka nongbah Shillong ka la ioh sa ia kawei ka jaka die ar shaka kaba thymmai jong ka kompeni kaba na Japan ka Honda. Ia kane ka jaka die ar shaka ha Shillong, la ai kyrteng ka Honda Shadap kaba don ha Mawblei kaba dei nongdie ne dealer u Bah Bhakupar Shadap. La plie ia kane mynta ka 22 tarik u Jylliew 2024.
Kane ka dei ka Dealership kaba nyngkong eh jong ka Honda ha nongbah Shillong, Meghalaya ba la plie ha ka jingdon ryngkat u Yogesh Mathur, Director, Sales and Marketing, Honda Motorcycle and Scooter India, ki heh kompeni Honda, u dealer bad ka longiing, bad kiwei kiwei.
Ha kane ka kompeni ki don baroh saw jait ki model ha ka Scooty, ka Activa bad Dio, kaba 110cc, bad kumjuh ka Activa bad Dio ba 125 cc.
Katba ha ka Motorcycle, ki don khyndai jait ki model, naduh kiba 110cc haduh kiba 200cc
U Mathur u la pynpaw ia ka jingkmen ban ioh plie ia kane ka jaka die ar shaka ba nyngkong jong ka kompeni Honda ha nongbah Shillong bad ka Dealership kaba 25 ha ka thain shatei Lammihngi jong ka ri India.
Nang mih ki jaka die ar shaka- poi sa ka Honda Shadap
