SHILLONG: Ka Khasi Student Union (KSU) East Jaintia Hills District kala dawa naka DGP ka Jylla ka Kong Idashisha Nongrang ban phah mih noh ia ki shipai BSF kiba shna ktem ha thain Sonapyrdi, Rattachera East Jaintia Hills District.
Mynta ka 20 tarik Jylliew 2024, ka KSU kala aiti ia ka dorkhas ha ka DGP, ban ujor ia ka jingleh tohmet ki BSF ia ki briew ha shnong Kuliang ha ka miet sngi Balang, bad kiwei ki jaka man ka por ha katei ka thaiñ.
U general secretary ka KSU East Jaintia Hills, u Bah KS Suchiang ula kynnoh ba ki BSF man ka por, ki pyndik bad thombor haki shipai BSF bad haki nong Bangladesh.
U Bah Suchiang ula ong ba ka jingdon ki BSF ban ai jingshngain ban iada ia ki paidbah ha khappud ka long pynban da khongpong.
U la ong ba ka DGP kala kular ban khot jingialang bad ki IG jong BSF ban iakren halor kane ka phang.
Ki BSF ha jaka ban iada, ki pyndik man ka por, dawa weng ka KSU na thain Sonapyrdi
