SHILLONG: Ka jingshah pyndik ka leit ka wan ha ki trok kit palat pud ka la long ka kam kaba man ka sngi ha surokbah ha Meghalaya, kaba la buh ruh ka jingkylli ia ki pulit kiba pyntreikam ia ka ain, ba ki trok ne ki kali ki dei ban bud katkum ki kyndon.
Lada ki pulit ki talasi iaki trok kit palat pud naduh Jorabat bad kiwei ki jaka, ka jingkit palat pud ki trok kan kam ym mih ha ki surokbah.
Kawei ka nuksa kaba iohi pyllein pyllein ka dei ha surokbah NH-6 ha East Jaiñtia Hills, ha kaba long kum ka jingphoh sniew kynsha ia ki nongleit nongwan, namar ka jingkit palut ki trok ka la long ka jingma kaba shyrkhei.
Dang shen, ki trok kiba ieng lymmuh hapdeng surokbah kila buh jingeh ia ki kali ba lei tba wan bad wanrah ka jingma ruh ia kiwei.
Ha ka video, u nongbud ka bos ula lait im wiak na ki kjat ka bos katba u dang khaweh kti ban ialam ia ka bos kaba hap iaid sha kyndong na ka jingieng lymmuh ki trok.
Lait salit u nongbud na kjat ka bos katba dang khaweh kti na ieng lymmuh ki trok
