SHILLONG: Ka jingkyndang ka seng Hynniewtrep Youth Council (HYC) ia kiba dih bad khaïi drok, kam kut tang katta hynrei ka shim ruh ia ka sienjam ban iarap ia kito kiba ngop ban phah sha ki jaka ban pynkylla ia ka jingim jongki.
Mynta ka sngi, ka 17 tarik Jylliew 2024, ka seng ka la ialam ia ki 6 ngut ki khynnah Khasi kiba la kyrni ban dih drok sha ka wei kashlem ban thaw thymmai ka jingim jongki, ne Rehabilitation centre kaba don sha Assam ka ” Alive Again Foundation ”
La leh ia kane da ka jingsngewthuh lang bad kiba haiing hasem jong kine ki khynnah.
U Vice President ka HYC u bah bah Donboklang Kharlyngdoh u la iathuh ba la don kumba 30 ngut eiei ki khynnah kiba ka seng ka la phah sha ka jaka sumar sha Assam. U la ong ba ka seng, ym tang ba ka thang ia ki drok kiba ka la kurup hynrei ka don ruh ka jingkitkhlieh ban phah sha ki jaka sumar khnang ba kin lah ban wan phai biang sha ka jingim ba thymmai.
Ha kawei ka liang, mynta ka janmiet, ka seng ka la thang syndon ploin ia ki drok kiba ioh kurup na ki nongdie bad nongdih na thain Lawmali.
Ka HYC ka la pyllong ia kane ka jingkhynra ia ki nongdih bad nongdie drok ryngkat ka jingiatreilang bad ka Seng Samla Lawmali Pyllun ha Lawmali. Ka jingkhynra ka neh naduh 7baje haduh 11 baje duna mynmiet.
Ym tang ba khynra, ka HYC ka iarap ia kiba ngop ha u drok ban pynkylla
