SHILLONG: Ka Kashari ba ha khlieh duh jong ka ri India, ka Supreme Court of India, kan pynlong ia ka taiew bakyrpang jong ka Special Lok Adalat ne ka ‘Kashari Paidbah’ naduh ka 29 tarik u bnai Naitung (July), 2024 haduh ka 3 tarik u bnai Nailar (August), 2024. La kyrpad ia kito ki briew kiba don ia ki mukotduma kiba sah teng ha Supreme Court of India, ba kin ia shim ia kane ka lad ban pyniasuk noh ia ki jingiakajia jong ki.
La kyrpad ia ki muktiar bad ki paidbah ban shim ia kane ka kabu ba la wanrah sha phi ban pynkut noh ia ki mukotduma jong ki. Ki paidbah ki lah ban wan hi da lade ne ban shim bynta lyngba ki online platform ne Virtual Conference ban ioh ka rai ba khatduh jong ki jingiakajia jong ki.
KA JINGMYNTOI JONG KA SPECIAL LOK ADALAT:
+ Ka jingpynkut bad ka jingiasuk kaba sted.
+ Ki rai kiba khatduh bad kiba pyntreikam.
+ Ka jingpyniasuk ia ki jingiakajia ha ka dor kaba biang.
+ Ka jingpynphai noh ia ki bai stam ba la lut.
Ia ki jingpyntip kiba kham bniah, phi lah ban leit sha ka ophis jong ka Meghalaya State Legal Services Authority/District Legal Services Authorities kiba don ha ki district/High Court Legal Services Committee. Lah ban ioh ruh ia ki jingtip ha ka website https://www.sci.gov.in/ lane na Room No. 127, Block B, First Floor, Additional Building Complex, Supreme Court of India, New Delhi- 110001.
Phone: + 91-11-23115656; Email: special.lokadalat@sci.nic.in, kumjuh na Meghalaya State Legal Services Authority, Old MATI Building, Additional Secretariat, Room No-120, Meghalaya, Shillong-793001 bad Ph. No. 8837461438, Email: mslsa-meg@nic.in. kane ka long ka kyrwoh na u bah E. Kharumnuid, Member Secretary, Meghalaya State Legal Services Authority.
Ka Kashari Paidbah ne Lok Adalat ban pyniasuk ia ki mukotduma jingiakajia
