SHILLONG: Ka lympung ïalehkai Subroto Cup Football Tournament, 2024, kaba pyniaid u District Sports Ophisar, Ribhoi District, ka la sdang ha ka sngi Baar ha ki artylli ki madan, ha shnong Umran Ñiangbyrnai bad ha madan ïalehkai ka shnong Nongjri.
U District Sports Ophisar ka Ribhoi, Bah Bobby L Nongbet, u la pyntip ba la wan ïashim bynta 28 tylli ki skul bad la phiah ïaki ha ki lai kyrdan kata Under 15 jong ki shynrang bad Under 17 jong ki kynthei bad shynrang bad ki kynhun kyllum lang baroh ki la poi shaduh 54 tylli.
U la pyntip ruh ba ïa kane ka lympung yn pynïalehkai ha ki artylli ki madan ïalehkai kata ki Under 15 jong ki shynrang kin ïa khun ha madan Umran Ñiangbyrnai bad ki Under 17 jong ki khynthei bad shynrang kin ïa khun ha madan Nongjri.
Sdang ka Subroto Cup u DSO Ribhoi, yn iaknieh lahduh 28 tylli ki skul
