SHILLONG: U Nongialam barim ka United Democratic Party (UDP) u bah Bindo M Lanong, u la ong ba ka seng UDP kam I don lyer shuh lada ka kam nongialam kan iai bteng ha kane ka rukom.
U bah Bindo u dei uwei na kiba iadon bynta ban seng ia ka UDP, ula iajngai noh bad kane ka seng hashwa ka elekshon MLA 2023, hadien ba ki nongialam ka party kim shym la ai tiket ia u ban iakhun na Nongkrem konstitwensi bad, ka la nang pynjngai shuh ha shwa ka elekshon MP, hadien ba kim shym la sngap ia ka jingthoh jongu, ba u kwah ban iakhun ia ka MP.
Haba kren ha ka sngi Baar, u bah Bindo u la ong ba ka jinghiar ka UDP la sakhi ha kaba wat u kyrtong shimet ruh u dang suk ban ioh kumba ioh Vote u kyrtong ka UDP ha kane ka elekshon MP ba dang shu dep.
U la ong ba ka jinghiar ka UDP lehse ka lah ban dei namar ba u nongialam udei uba dang thymmai bad um dei u shemphang ha ka kam ban shakri paidbah uba shu kiew syndet kumba kynthih sha ka kam nongialam.
Haba twad jingmut kumno kan khlieh biang ka UDP, ula ong ban pynkhie im biang ia ka UDP donkam ia ki nongialam kiba tbit bad kam long kaba jem ban ialam ia ka party ne ia ka jylla.
Bym ler u nongialam, lah ban kut noh ka UDP: Bindo
