SHILLONG: U nongaiktien ka seng Voice of the People Party (VPP) u bah Batskhem Myrboh u la ong ba ka jingjop don burom u kyrtong ka seng, ka dei namar ba ki paidbah kila ngiah ia kane ka sorkar High Level.
Haba kren shi sngi hadien ba la ioh ia ka result ka MP elekshon na Shillong Parliamentary constituency mynta ka sngi, u bah Batskhem u la ong ba ka daw kaba ki paidbah ki kyrshan ia ka VPP, ka dei namar ba ka NPP ka la wan biang ha ka bor hadien ka elekshon MLA 2023, kaba ki paidbah kila ngiah la jlep.
Katkum ka jingong u nongaiktien ka VPP, kawei pat ka daw kaba pynjop ka dei na ka jingleh ka seng Congress kaba long kumba kim kwah shuh ba kan wan ha ka bor bad ka long kumba ailad ia kiwei pat ki seng sain pyrthei khamtam ia ka NPP. U la ong ba ka Congress ka la iapait shwa ka elekshon MLA, bad kane ka la thaw ia ka daw ban plie lad ia u paidbah ban phaikhmat sha ka VPP.
U la ong ba ki paidbah kila iohi ba kane ka sorkar ka dei jong ki high level ne ki heh spah kaba niew bein ia u paidbah bad, ula khmih lynti ba nangne shakhmat kan don ka jingkylla ha kaba kiba don ha ka sorkar kin kham pyrkhat ia ka bha ka miat jong u paidbah
Jop kput ka VPP ba ki paidbah ki la ngiah ia kane ka sorkar High Level: Batskhem
